Tgei ei ABL?
Igl Emprender a moda autobiologica, cuort ABL, ei ina metoda cumplementara ch’ei vegnida sviluppada el Grischun avon biebein 40 onns da Maria Schmid-Spirig. ABL cumbinescha savida tradiziunala e moderna cun experientschas fatgas sur decennis ora. Il patratg fundamental dad ABL ei sempels ed el medem mument revoluziunars: Il tgierp sa emprender.
ABL sustegn ils carstgauns d’anflar individualmein lur via alla sanadad.
«Seit 2017 ist ABL als selbständige alternativmedizinische Methode von der ASCA, der Schweizer Stiftung für Komplementärmedizin, anerkannt.»
Tenor tgei principis lavura ABL?
Emprender a moda autobiologica, cuort ABL, munta: Process sauns sa il carstgaun e cun el era mintga singula cella humana emprender da sez. Per eruir tgei ch’il tgierp drova persuenter vegn communicau cul tgierp cun agid dil test da reflex (Armlängenreflextest). Ultra da quei possibiliteschan ‘modes’ ina communicaziun detagliada – quei ein posiziuns dil maun che genereschan ina certa tensiun. Tier ABL stat adina il tgierp dil carstgaun el center: Cun respect e marveglias schein nus menar dad el ed intervegnin aschia tgei ch'el drova. Ella pratica eis ei semussau ch’il process da metabolissem sesplega ella medema successiun sco il svilup digl embrio. Medemamein ei semussau ch’il tgierp empren enteifer biebein treis jamnas in niev process e ch’el drova ina ulteriura jamna per interiurisar quel. Suenter ei el promts pil proxim pass. Igl emprender sereferescha buca mo a process mentals, mobein era a scadin process fisiologic. Exact quei process d’emprender caracterisescha ABL e fa daventar quella metoda unica.
Co funcziuna ABL?
Il tgierp decida. Sch'ins suonda la metoda d'ABL, han ins circa mintga meins ina ura da terapia. Leu vegn examinau cun agid dil test da reflex (Armlängenreflextest), nua ch’il tgierp stat e tgei ch’el drova per influenzar il metabolissem. Alla fin dall’ura survegnan ins in plan cun recumandaziuns individualas en connex cul nutriment, cun mineralias e vitaminas sco era puncts dil tgierp che ston vegnir teni. Entras quels vegnan ils meridians influenzai. Era ‘modes’ vegnan duvrai. Quei ein posiziuns dils mauns che genereschan ina certa tensiun e lubeschan aschia ina communicaziun pli profunda cul tgierp. Cun agid da ‘modes’ vegnan per exempel erui conflicts subconscients ni sclari ils motivs a moda pli detagliada.
El decuors dil meins medeghescha il tgierp idealmein entras l’influenza dad ABL pass per pass. Pli gronds ch’il potenzial corporal per la guariziun ei e pli fetg che la midada sa vegnir provocada. El process dat il tgierp avon il ritmus, el decida cu tgei parts dil tgierp ni tgei simptoms san vegnir medegai. Aschia semuossa in process da metabolissem che proceda pass per pass.
Il pensum dallas cussegliadras e dils cussegliaders dad ABL ei da cussegliar e sustener: Sch'ina fasa d'emprender gartegia, schai ella responsabladad dalla persuna ch'applichescha la metoda di per di.
«Es wird ein Lernprozess angestossen. Während diesem Ablauf lernt das System 'Körper' Stoffe wie Proteine, Co-Enzyme und mehr ab- und aufzubauen und wieder neu zu formieren.»
Ord il cudisch 'Auto Biologisches Lernen'
Tenor l’experientscha suonda il process dad ABL la suandonta successiun:
- Igl entir tgierp: reducziun da tensiun dils meridians e dallas musclas
- Svilup: cromosoms, acids aminus, maguol dil dies, narunchels, glonda dalla gargatta, certas regiuns dil tschurvi
- Cellas-tschep: rotla, ossa e certas regiuns dil tschurvi
- Sistems dil tgierp: sistem dalla gnarva, sistem dallas glondas e dils hormons, sistem dallas aveinas e dalla limfa, sistem d’immunitad, sistem digestiv, sistem dils narunchels e dalla scufla, sistem dil tschurvi.
Silsuenter suonda il process individual; ulteriuras regiuns dil tgierp san vegnir influenzadas ed animadas da medegar tenor basegns.
Tgei munta ABL?
Quei vul dir che mintga tgierp e cun quei mintga singula cella sa emprender (danovamein) process sauns. Igl emprender sereferescha buc mo a process mentals, mobein cumpeglia tut ils process corporals.
Nua intervegn jeu dapli?
Igl emprem cudisch davart ABL cul tetel “Auto Biologisches Lernen oder wie sich das Gehirn vom Darm befreit” ei cumparius il 2006, edius dalla casa editura ABL. El intermediescha l’idea fundamentala dad ABL.
Il secund cudisch davart ABL “Auto Biologisches Lernen – Handbuch” ei cumparius il zercladur 2020.
Omnidus cudischs vegnan cussegliai a tut quels che vulan saver dapli davart la metoda, che fan il process ni che vulan sezs applicar ABL.
Cheu saveis Vus empustar il cudisch.
«Das ABL verändert also die biochemischen Vorgänge in Leber, Darm, Nieren, Gehirn und Nerven.»
Ord il cudisch 'Auto Biologisches Lernen'